സന്തോഷ് ട്രോഫി; മഹാരാഷ്ട്രയോട് സമനില വെട്ടിപ്പിടിച്ച് കേരളം
കേരളത്തിനായി പകരക്കാരനായെത്തിയ അര്‍ജ്ജുന്‍ വി ഇരട്ട ഗോള്‍ നേടി.
ഭുവനേശ്വര്‍: സന്തോഷ് ട്രോഫിയില്‍ ആവേശം വിതച്ച കേരളാ-മഹാരാഷ്ട്രാ മല്‍സരം സമനിലയില്‍ കലാശിച്ചു. ജയത്തിന് തുല്യമായ സമനിലയാണ് കേരളം വെട്ടിപ്പിടിച്ചത്. മല്‍സരം 4-4നാണ് അവസാനിച്ച്. ആദ്യ പകുതിയില്‍ തന്നെ നാല് ഗോള്‍ നേടി മഹാരാഷ്ട്ര ലീഡെടുത്തിരുന്നു. കേരളത്തിന് ആദ്യ പകുതിയില്‍ ഒരു ഗോള്‍ നേടാനെ കഴിഞ്ഞുള്ളൂ. എന്നാല്‍ രണ്ടാം പകുതിയില്‍ മൂന്ന് ഗോള്‍ തിരിച്ചടിച്ച് കേരളം ശക്തിയറിച്ചു.കേരളത്തിനായി പകരക്കാരനായെത്തിയ അര്‍ജ്ജുന്‍ വി ഇരട്ട ഗോള്‍ നേടി. വിശാഖ് മോഹനന്‍, നിജോ ഗില്‍ബെര്‍ട്ട് എന്നിവര്‍ ഓരോ ഗോളും നേടി. മഹാരാഷ്ട്രയ്ക്കായി സൂഫിയാന്‍ ഷെയ്ഖ് രണ്ട് ഗോള്‍ നേടി. ഹിമാന്‍ഷു പാട്ടീല്‍, സുമിത് ഭണ്ഡാരി എന്നിവര്‍ ഓരോ ഗോളും നേടി.