പുതിയ സീസണിലെ ആദ്യ എല്‍ ക്ലാസ്സിക്കോ അമേരിക്കയില്‍
കഴിഞ്ഞ സീസണിലെ അവസാന എല്‍ ക്ലാസ്സിക്കോയില്‍ ബാഴ്‌സലോണ എതിരില്ലാത്ത നാല് ഗോളിന് റയല്‍മാഡ്രിഡിനെ പരാജയപ്പെടുത്തിയിരുന്നു.
ലാസ് വെഗാസ്: 2022-23 സീസണിലെ ആദ്യ എല്‍ ക്ലാസ്സിക്കോയ്ക്ക് അമേരിക്ക വേദിയാവും. അമേരിക്കയിലെ ലാസ് വെഗാസിലാണ് സ്പാനിഷ് ലീഗിലെ ചിരവൈരികള്‍ ഏറ്റുമുട്ടുന്നത്. പുതിയ സീസണിന് മുന്നോടിയായുള്ള ഇരുടീമിന്റെയും സന്നാഹ മല്‍സരമാണ്. ജൂലായ് 23നാണ് മല്‍സരം. കഴിഞ്ഞ സീസണിലെ അവസാന എല്‍ ക്ലാസ്സിക്കോയില്‍ ബാഴ്‌സലോണ എതിരില്ലാത്ത നാല് ഗോളിന് റയല്‍മാഡ്രിഡിനെ പരാജയപ്പെടുത്തിയിരുന്നു. സീസണിന് മുന്നേ ചെല്‍സി, ആഴ്‌സണല്‍, യുവന്റസ്, മാഞ്ചസ്റ്റര്‍ യുനൈറ്റഡ് എന്നീ ക്ലബ്ബുകളെല്ലാം അമേരിക്കയില്‍ സന്നാഹ മല്‍സരങ്ങള്‍ കളിക്കും. സോക്കര്‍ ചാംപ്യന്‍സ് ടൂര്‍ സംഘടിപ്പിക്കുന്നത് അമേരിക്കയിലെ പ്രശസ്തമായ ലാ ഗ്യാലക്‌സി ക്ലബ്ബാണ്.
