സ്പാനിഷ് ലീഗ്; അവസരം നഷ്ടപ്പെടുത്തി റയല്‍; ബാഴ്‌സ ഒന്നില്‍ തന്നെ
ഇറ്റാലിയന്‍ സീരി എയില്‍ യുവന്റസ് കുതിപ്പ് തുടരുന്നു.
മാഡ്രിഡ്: സ്പാനിഷ് ലീഗില്‍ റയല്‍ മാഡ്രിഡിന് ഞെട്ടിക്കുന്ന തോല്‍വി.വിയ്യാറയലിനോട് 2-1ന്റെ തോല്‍വിയാണ് റയല്‍ ഏറ്റുവാങ്ങിയത്. ഇന്ന് ജയിച്ചാല്‍ ഒന്നാം സ്ഥാനത്ത് നിലയുറപ്പിക്കാനുള്ള അവസരമാണ് റയല്‍ കളഞ്ഞ് കുളിച്ചത്. ബാഴ്‌സലോണയാണ് ഒന്നില്‍ നില്‍ക്കുന്നത്. ബാഴ്‌സയുടെ അതേ പോയിന്റ് റയലിനുണ്ടെങ്കിലും ഗോള്‍ ശരാശരിയില്‍ ബാഴ്‌സ മുന്നിലാണ്.
ഇംഗ്ലിഷ് എഫ് എ കപ്പില്‍ ലിവര്‍പൂളിനെ വോള്‍വ്‌സ് 2-2ന് സമനിലയില്‍ കുരുക്കി. അതിനിടെ പ്രീമിയര്‍ ലീഗില്‍ റെക്കോഡ് കുതിപ്പ് നടത്തുന്ന ന്യൂകാസില്‍ യുനൈറ്റഡിനെ ഷെഫീല്‍ഡ് 2-1ന് പരാജയപ്പെടുത്തി.
ഇറ്റാലിയന്‍ സീരി എയില്‍ യുവന്റസ് കുതിപ്പ് തുടരുന്നു. ഇന്ന് ഉഡീനിസിനെ എതിരില്ലാത്ത ഒരു ഗോളിന് പരാജയപ്പെടുത്തിയ യുവന്റസ് ലീഗില്‍ രണ്ടാം സ്ഥാനത്തെത്തി.