ലോകകപ്പ് യോഗ്യത; പാബ്ലോ ഫൊര്‍നല്‍സിന് സ്‌പെയിനിനായി ആദ്യ ഗോള്‍
മറ്റൊരു മല്‍സരത്തില്‍ ബെലാറസിനെ ബെല്‍ജിയം ഒരു ഗോളിന് വീഴ്ത്തി
മാഡ്രിഡ്: ലോകകപ്പ് യോഗ്യതാ മല്‍സരത്തില്‍ സ്‌പെയിനിന് ജയം. കൊസോവോയ്‌ക്കെതിരേ രണ്ട് ഗോളിന്റെ ജയമാണ് ലൂയിസ് എന്റിക്വെയുടെ ടീം നേടിയത്. വെസ്റ്റ്ഹാം മിഡ്ഫീല്‍ഡര്‍ ഫൊര്‍നല്‍സ്, ടോറസ് എന്നിവരാണ് സ്‌പെയിനിനായി ഗോള്‍ നേടിയത്. ഫൊര്‍നല്‍സിന്റെ ആദ്യ അന്താരാഷ്ട്ര ഗോളാണ്. തന്റെ ആദ്യമല്‍സരത്തില്‍ തന്നെ താരം ഗോള്‍ നേടി. ഗ്രൂപ്പ് ബിയില്‍ സ്‌പെയിന്‍ ഒന്നാമത് തുടരുന്നു.
മറ്റൊരു മല്‍സരത്തില്‍ ബെലാറസിനെ ബെല്‍ജിയം ഒരു ഗോളിന് വീഴ്ത്തി. ജയത്തോടെ ഗ്രൂപ്പ് ഇയില്‍ 16 പോയിന്റുമായി ബെല്‍ജിയം ഒന്നാമതാണ്. മറ്റ് മല്‍സരങ്ങളില്‍ ഹംങ്കറി അന്‍ഡോറയെ 2-1നും അല്‍ബാനിയ സാന്‍ മരിനോയെ എതിരില്ലാത്ത അഞ്ച് ഗോളിനും തോല്‍പ്പിച്ചു. നോര്‍ത്ത് മാസിഡോണിയാ-റൊമാനിയാ മല്‍സരം ഗോള്‍ രഹിത സമനിലയില്‍ കലാശിച്ചു. വെയ്ല്‍സ്-എസ്‌റ്റോണിയാ മല്‍സരവും നോര്‍ത്തേണ്‍ അയര്‍ലാന്റ് സ്വിറ്റ്‌സര്‍ലാന്റ് മല്‍സരവും ഗോള്‍ രഹിത സമനിലയില്‍ കലാശിച്ചു.