ലണ്ടന്‍: മേജര്‍ സോക്കര്‍ ലീഗില്‍(അമേരിക്ക) സ്വീഡിഷ് താരം സ്ലാട്ടന്‍ ഇബ്രാഹിമോവിച്ചിന് ഹാട്രിക്ക്. എല്‍ എ ഗ്യാലക്‌സിയ്ക്ക് വേണ്ടിയാണ് ഇബ്രാഹിമോവിച്ച് ഹാട്രിക്ക് നേടിയത്. ലീഗില്‍ ഒന്നാം സ്ഥാനത്തുള്ള ലോസ് ആഞ്ചലസ് ഫുട്‌ബോള്‍ ക്ലബ്ബിനെതിരേയാണ് താരത്തിന്റെ നേട്ടം. മല്‍സരത്തിന്റെ തുടക്കത്തില്‍ ഒരു ഗോളിന് പിന്നില്‍ പോയ ലാ ഗാലക്‌സി ഇബ്രാഹിമോവിച്ചിലൂടെ 3-2ന്റെ ജയം സ്വന്തമാക്കുകയായിരുന്നു. 37കാരനായ താരത്തിന്റെ മാജിക്കല്‍ പ്രകടനമായിരുന്നു മല്‍സരത്തിലുടെ നീളം കണ്ടത്. എട്ടാം മിനിറ്റിലായിരുന്നു സ്ലാട്ടന്‍ ആദ്യ ഗോള്‍ നേടി ഒപ്പത്തിനൊപ്പമെത്തിയത്. 56, 70 മിനിറ്റുകളിലായിരുന്ന തുടര്‍ന്നുള്ള രണ്ട് ഗോളുകള്‍.