ലോക ബാഡ്മിന്റണ്‍ ചാംപ്യന്‍ഷിപ്പ്; രണ്ട് മെഡല്‍ ഉറപ്പിച്ച് ഇന്ത്യ; സിന്ധുവും പ്രണോയിയും പുറത്ത്
ഹോളണ്ടിന്റെ മാര്‍ക്ക് കാള്‍ജോവിനെ പരാജയപ്പെടുത്തിയാണ് ശ്രീകാന്ത് സെമിയില്‍ കടന്നത്.
മാഡ്രിഡ്: ബിഡബ്ല്യുഎഫ് ലോക ബാഡ്മിന്റണ്‍ ചാംപ്യന്‍ഷിപ്പില്‍ രണ്ട് മെഡലുകള്‍ ഉറപ്പിച്ച് ഇന്ത്യ. പുരുഷന്‍മാരുടെ സിംഗിള്‍സിലാണ് ഇന്ത്യയുടെ കിഡംബി ശ്രീകാന്തും ലക്ഷ്യസെന്നും മെഡലുറപ്പിച്ചത്.ഇരുവരും ക്വാര്‍ട്ടറില്‍ ജയിച്ച് സെമിയില്‍ പ്രവേശിച്ചതോടെയാണ് രണ്ട് മെഡലുറപ്പിച്ചത്. ചൈനയുടെ സോ ജുന്‍ പെങ്ങിനെയാണ് ലക്ഷ്യാസെന്‍ സെമിയില്‍ വീഴ്ത്തിയത്. ഹോളണ്ടിന്റെ മാര്‍ക്ക് കാള്‍ജോവിനെ പരാജയപ്പെടുത്തിയാണ് ശ്രീകാന്ത് സെമിയില്‍ കടന്നത്.
അതിനിടെ നിലവിലെ വനിതാ ചാംപ്യനായ ഇന്ത്യയുടെ പി വി സിന്ധു ക്വാര്‍ട്ടറില്‍ പുറത്തായി. ലോക ഒന്നാം നമ്പര്‍ ചൈനീസ്-തായ്‌പേയ് താരം തായ് സു യിങിനോടാണ് തോല്‍വി.
പുരുഷ വിഭാഗം സിംഗിള്‍സില്‍ മറ്റൊരു ഇന്ത്യന്‍ പ്രതീക്ഷയായിരുന്ന എച്ച് എസ് പ്രണോയ് പുറത്തായി.