റാണീ റാംപാലിന് ഖേല്‍ രത്നാ അവാര്‍ഡിന് ശുപാര്‍ശ
ഹോക്കി ഇന്ത്യാ ഫെഡറേഷനാണ് റാണിയെ അവാര്‍ഡിനായി നിര്‍ദേശിച്ചത്.
ന്യൂഡല്‍ഹി: ഇന്ത്യന്‍ വനിതാ ഹോക്കി ക്യാപ്റ്റന്‍ റാണീ റാംപാലിന് രാജീവ് ഗാന്ധി ഖേല്‍ രത്നാ അവാര്‍ഡിന് ശുപാര്‍ശ. ഹോക്കി ഇന്ത്യാ ഫെഡറേഷനാണ് റാണിയെ അവാര്‍ഡിനായി നിര്‍ദേശിച്ചത്. 2017ല്‍ ഏഷ്യാ കപ്പ് നേടുന്നതിലും 2018ല്‍ ഏഷ്യന്‍ ഗെയിംസില്‍ വെള്ളി മെഡല്‍ നേടുന്നതിലും 2021ല്‍ നടക്കാനിരിക്കുന്ന ടോക്കിയോ ഒളിംപിക്സിന് ഇന്ത്യ യോഗ്യത നേടുന്നതിനും റാണീ റാംപാലിന്റെ മികവ് നിര്‍ണായകമായിരുന്നു. മറ്റ് താരങ്ങളായ വന്ദനാ കഠാരിയ, മൊണീക്കാ എന്നിവരെ അര്‍ജുനാ അവാര്‍ഡിനും ശുപാര്‍ശ ചെയ്തിട്ടുണ്ട്. പരിശീലകരായ ബി ജെ കാരിയാപ്പാ, രമേഷ് പഠാനിയ എന്നിവരെ ദ്രോണാചാര്യ പുരസ്‌കാരത്തിനും ശുപാര്‍ശ ചെയ്തിട്ടുണ്ട്.