ഒളിംപിക്സ്; ഹോക്കിയില്‍ ഇന്ത്യ 41 വര്‍ഷത്തിന് ശേഷം സെമിയില്‍
ചൊവ്വാഴ്ച നടക്കുന്ന സെമിയില്‍ ഇന്ത്യ ബെല്‍ജിയത്തെ നേരിടും.
ടോക്കിയോ: ഒളിംപിക്‌സില്‍ ഇന്ത്യയ്ക്ക് പ്രതീക്ഷ നല്‍കി പുരുഷ ഹോക്കി ടീം. ഇന്ന് നടന്ന ക്വാര്‍ട്ടര്‍ ഫൈനലില്‍ ബ്രിട്ടണെ 3-1ന് വീഴ്ത്തി ഇന്ത്യ സെമി ബെര്‍ത്ത് നേടി. 41 വര്‍ഷങ്ങള്‍ക്ക് ശേഷം ആദ്യമായാണ് ഇന്ത്യന്‍ ടീം ഒളിംപിക്സ് സെമിയില്‍ പ്രവേശിക്കുന്നത്. 1980ലെ മോസ്‌കോ ഒളിംപിക്‌സിലാണ് ഇന്ത്യ ഇതിന് മുമ്പ് സെമിയില്‍ പ്രവേശിച്ചത്. അന്ന് ഇന്ത്യ സ്വര്‍ണ്ണം നേടിയിരുന്നു. ദില്‍പ്രീത് സിങ്, ഗുര്‍ജന്ത് സിങ്, ഹാര്‍ദ്ദിക് സിങ് എന്നിവരാണ് ഇന്ന് ഇന്ത്യയ്ക്കായി സ്‌കോര്‍ ചെയ്തത്. ചൊവ്വാഴ്ച നടക്കുന്ന സെമിയില്‍ ഇന്ത്യ ബെല്‍ജിയത്തെ നേരിടും.