ജൂനിയര്‍ ഹോക്കി ലോകകപ്പ്; ആദ്യ മല്‍സരത്തില്‍ ഇന്ത്യക്ക് ഞെട്ടിക്കുന്ന തോല്‍വി
ഇന്ത്യന്‍ വൈസ് ക്യാപ്റ്റന്‍ സഞ്ജയ് ഹാട്രിക്ക് നേടി.
ഭുവനേശ്വര്‍: ജൂനിയര്‍ ഹോക്കി പുരുഷവിഭാഗം ലോകകപ്പില്‍ നിലവിലെ ചാംപ്യന്‍മാരായ ഇന്ത്യക്ക് ഞെട്ടിക്കുന്ന തോല്‍വി. ഒഡീഷയില്‍ നടന്ന മല്‍സരത്തില്‍ ഫ്രാന്‍സാണ് ഇന്ത്യയെ 5-4ന് പരാജയപ്പെടുത്തിയത്. ഇന്ത്യന്‍ വൈസ് ക്യാപ്റ്റന്‍ സഞ്ജയ് മല്‍സരത്തില്‍ ഹാട്രിക്ക് നേടി.നാലാം ഗോള്‍ ഉത്തംസിങിന്റെ വകയായിരുന്നു. ആദ്യ ക്വാര്‍ട്ടറിലെ രണ്ട് ടീമും നിരവധി ഗോളവസരങ്ങള്‍ സൃഷ്ടിച്ചിരുന്നു. ഇരുടീമും ഒപ്പത്തിനൊപ്പമായിരുന്നു. ഇന്ത്യയുടെ അടുത്ത മല്‍സരം 27ന് കാനഡയ്‌ക്കെതിരേ ആണ്. കൊവിഡിനെ തുടര്‍ന്ന് ന്യൂസിലന്റ്, ഇംഗ്ലണ്ട്, ഓസ്‌ട്രേലിയ എന്നിവര്‍ നേരത്തെ ലോകകപ്പില്‍ നിന്ന് പിന്‍മാറിയിരുന്നു.