കൊറിയന്‍ ഓപണ്‍; ശ്രീകാന്ത് പുറത്ത്
ജപ്പാന്റെ കന്റെ സുനേയമയാണ് ശ്രീകാന്തിനെ പുറത്താക്കിയത്. രണ്ടാം റൗണ്ടില്‍ 14-21, 19-21 എന്ന സ്‌കോറിനാണ് ഇന്ത്യന്‍ താരത്തിന്റെ തോല്‍വി.
സോള്‍: കൊറിയന്‍ മാസ്റ്റേഴ്‌സ് ബാഡ്മിന്റണ്‍ ചാംപ്യന്‍ഷിപ്പില്‍നിന്ന് ഇന്ത്യയുടെ കെ ശ്രീകാന്ത് പുറത്തായി. ജപ്പാന്റെ കന്റെ സുനേയമയാണ് ശ്രീകാന്തിനെ പുറത്താക്കിയത്. രണ്ടാം റൗണ്ടില്‍ 14-21, 19-21 എന്ന സ്‌കോറിനാണ് ഇന്ത്യന്‍ താരത്തിന്റെ തോല്‍വി. മറ്റൊരു ഇന്ത്യന്‍ താരമായ സമീര്‍ വര്‍മയും ഇന്ന് പുറത്തായി.
കൊറിയയുടെ കിം ഡോങ്ഹുനിനാണ് ഇന്ത്യന്‍ താരത്തെ പുറത്താക്കിയത്. സ്‌കോര്‍ 21-19, 21-12. ഇന്ത്യയുടെ വനിതാ താരങ്ങള്‍ നേരത്തെ മല്‍സരത്തില്‍നിന്നും പിന്‍മാറിയിരുന്നു. ഇതോടെ കൊറിയന്‍ ഓപണിലെ ഇന്ത്യന്‍ പ്രതീക്ഷകള്‍ അവസാനിച്ചു.