ടോക്കിയോ: കൊവിഡ് 19 ലോകത്ത് പടര്‍ന്നുപിടിക്കുന്ന സാഹചര്യത്തില്‍ ഈ വര്‍ഷം ജൂലൈയില്‍ നടക്കേണ്ട ടോക്കിയോ ഒളിംപിക്‌സ് അടുത്ത വര്‍ഷത്തേക്ക് മാറ്റി. 2021ല്‍ ഒളിംപിക്‌സും പാരാലിംപിക്‌സും നടക്കുമെന്ന് അന്താരാഷ്ട്ര ഒളിംപിക്‌സ് പ്രസിഡന്റ് തോമസ് ബാച്ച് പറഞ്ഞു. എന്നാല്‍ 2021ലെ ഒളിംപിക്‌സിന് ടോക്കിയോ 2020 എന്നാണ് അറിയപ്പെടുക. കൊറോണാ വൈറസ് ലോകത്ത് വ്യാപകമാവുകയാണെന്ന് ലോകാരോഗ്യ സംഘടന മേധാവിയും കഴിഞ്ഞ ദിവസം വ്യക്തമാക്കിയിരുന്നു. ഇതേത്തുടര്‍ന്നാണ് ഒളിംപിക്‌സ് അസോസിയേഷന്റെ തീരുമാനം.