പരിക്ക്; ആഷ്‌ലി ബാര്‍ട്ടി ഫ്രഞ്ച് ഓപ്പണില്‍ നിന്ന് പിന്‍മാറി

പാരിസ്: ലോക ഒന്നാം നമ്പര്‍ ആഷ്‌ലി ബാര്‍ട്ടി ഫ്രഞ്ച് ഓപ്പണില്‍ നിന്ന് പിന്‍മാറി. ഇടത് കൈമുട്ടിലെ പരിക്ക് ഗുരുതരമായതിനെ തുടര്‍ന്നാണ് പിന്‍മാറ്റം.രണ്ടാം റൗണ്ടില്‍ മഗ്ദാ ലിനറ്റിനെതിരായ മല്‍സരത്തില്‍ 6-1, 2-2 എന്ന നിലയില്‍ സ്‌കോര്‍ എത്തിനില്‍ക്കെയാണ് താരത്തിന്റെ പിന്‍മാറ്റം. വനിതാ സിംഗിള്‍സിലെ മറ്റൊരു ടോപ് സീഡായ കരോലിനാ പ്ലിസ്‌കോവാ സ്ലോനെ സ്‌റ്റെഫനസിനോട് പരാജയപ്പെട്ടു. 2018ലെ ഫൈനലിസ്റ്റാണ് സ്റ്റെഫാനസ്. അഞ്ചാം സീഡ് എലീനാ സ്വിറ്റിലോനയും നാലാം സീഡ് സോഫിയാ കെനിനും മൂ ന്നാം റൗണ്ടിലേക്ക് കടന്നു.