ഫ്രഞ്ച് ഓപ്പണ്‍ നദാലിന്; 20 ഗ്രാന്‍സ്ലാം കിരീടവുമായി ഫെഡറര്‍ക്കൊപ്പം
6-0, 6-2, 7-5 സെറ്റുകള്‍ക്കാണ് നദാലിന്റെ ജയം.
പാരിസ്: ടോപ് സീഡ് നൊവാക്ക് ജോക്കോവിച്ചിനെ തോല്‍പ്പിച്ച് റാഫേല്‍ നദാലിന് ഫ്രഞ്ച് ഓപ്പണ്‍ കിരീടം. തന്റെ 20ാം ഗ്രാന്‍സ്ലാം കിരീടമാണ് നദാല്‍ റോളണ്ട് ഗാരോസില്‍ നേടിയത്. ഇതോടെ നദാല്‍ 20 ഗ്രാന്‍സ്ലാം കിരീടം നേടിയ റോജര്‍ ഫെഡററുടെ റെക്കോഡിനൊപ്പമെത്തി. 6-0, 6-2, 7-5 സെറ്റുകള്‍ക്കാണ് നദാലിന്റെ ജയം. ഇതിന് മുമ്പ് 2005ലാണ് നദാല്‍ ഫ്രഞ്ച് ഓപ്പണ്‍ നേടിയത്. റോളണ്ട് ഗാരോസിലെ നദാലിന്റെ 13ാം കിരീടമാണിത്. ഇവിടെത്തെ താരത്തിന്റെ 100ാം ജയവും. 18ാം ഗ്രാന്‍സ്ലാം കിരീടം ലക്ഷ്യമിട്ടായിരുന്നു ജോക്കോവിച്ചിന്റെ പോരാട്ടം. എന്നാല്‍ 34 കാരനായ നദാലിന്റെ സെര്‍വ്വുകള്‍ക്കു മുന്നില്‍ സെര്‍ബിയന്‍ താരം തോല്‍വി വഴങ്ങുകയായിരുന്നു. റെക്കോഡ് നേട്ടത്തിനര്‍ഹനായ നദാലിനെ ഫെഡറര്‍ അഭിനന്ദിച്ചു.