യുഎസ് ഓപ്പണില്‍ വന്‍ അട്ടിമറി; ഒസാക്കയെ വീഴ്ത്തി കാനഡയുടെ ടീനേജ് താരം
തിരിച്ചുവരവിലെ ആദ്യ ടൂര്‍ണ്ണമെന്റിലെ ഞെട്ടിക്കുന്ന തോല്‍വിയോടെ താരം വീണ്ടും ക്വാര്‍ട്ടില്‍ നിന്ന് വിട്ടുനില്‍ക്കുയാണ്.
ന്യൂയോര്‍ക്ക്: യു എസ് ഓപ്പണില്‍ വന്‍ അട്ടിമറി. വനിതകളുടെ സിംഗിള്‍സ് വിഭാഗത്തില്‍ മുന്‍ ലോക ഒന്നാം നമ്പര്‍ ജപ്പാന്റെ നയോമി ഒസാക്കയെ കാനഡയുടെ ടീനേജ് താരം ലെയ്‌ലാ ആനി ഫെര്‍ണാണ്ടസാണ് ഞെട്ടിച്ചത്.സീഡ് ചെയ്യാത്ത താരമായ ലെയ്‌ലാ 5-7, 7-6, 6-4നാണ് ഇവിടെത്തെ മൂന്നാം സീഡ് ഒസാക്കയെ വീഴ്ത്തിയത്. മറ്റൊരു ഗ്രാന്‍സ്ലാം ജേതാവായ ആന്‍ക്വിലിക് കെര്‍ബറാണ് നാലാം റൗണ്ടില്‍ കനേഡിയന്‍ താരത്തിന്റെ എതിരാളി. മൂന്നാം റൗണ്ടിലെ ഞെട്ടിക്കുന്ന തോല്‍വിയെ തുടര്‍ന്ന് ഒസാക്ക ടെന്നിസില്‍ നിന്ന് കുറച്ച് കാലത്തേക്ക് വിട്ടുനില്‍ക്കുന്നതായി പ്രഖ്യാപിച്ചു. നേരത്തെ വിഷാദരോഗത്തിന് അടിമപ്പെട്ടതിനെ തുടര്‍ന്ന് താരം ടെന്നിസില്‍ നിന്ന് കുറച്ച് കാലം വിട്ടുനിന്നിരുന്നു. തിരിച്ചുവരവിലെ ആദ്യ ടൂര്‍ണ്ണമെന്റിലെ ഞെട്ടിക്കുന്ന തോല്‍വിയോടെ ലോക മൂന്നാം നമ്പര്‍ താരം വീണ്ടും ക്വാര്‍ട്ടില്‍ നിന്ന് വിട്ടുനില്‍ക്കാന്‍ തീരുമാനിക്കുകയായിരുന്നു.