മോഡലുകള്‍ മരിച്ച സംഭവം: ഡ്രൈവര്‍ സൈജു തങ്കച്ചനെ അറസ്റ്റ് ചെയ്തു
. മോഡലുകളുടെ വാഹനത്തെ പിന്തുടര്‍ന്ന ഔഡി ഡ്രൈവറാണ് സൈജു തങ്കച്ചന്‍. 24 മണിക്കൂറിനകം ചോദ്യം ചെയ്യലിന് ഹാജരാവാന്‍ ആവശ്യപ്പെട്ട് സൈജുവിന് കഴിഞ്ഞ ദിവസം ക്രെംബ്രാഞ്ച് നോട്ടീസ് നല്‍കിയിരുന്നു
കൊച്ചി: വാഹനാപകടത്തില്‍ മോഡലുകള്‍ മരിച്ച സംഭവത്തില്‍ അവര്‍ സഞ്ചരിച്ച വാഹനത്തെ പിന്തുടര്‍ന്ന കാറിന്റെ ഡ്രൈവര്‍ സൈജു തങ്കച്ചനെ പോലിസ് അറസ്റ്റ് ചെയ്തു. മോഡലുകളുടെ വാഹനത്തെ പിന്തുടര്‍ന്ന ഔഡി ഡ്രൈവറാണ് സൈജു തങ്കച്ചന്‍. 24 മണിക്കൂറിനകം ചോദ്യം ചെയ്യലിന് ഹാജരാവാന്‍ ആവശ്യപ്പെട്ട് സൈജുവിന് കഴിഞ്ഞ ദിവസം ക്രെംബ്രാഞ്ച് നോട്ടീസ് നല്‍കിയിരുന്നു. ഇന്ന് രാവിലെ 11ന് വക്കീലിനൊപ്പമാണ് ചോദ്യം ചെയ്യലിന് ഹാജരായത്. എന്തിനാണ് മോഡലുകളെ പിന്തുടര്‍ന്നത് എന്നായിരുന്നു പോലിസ് ചോദിച്ചത്. പിന്തുടരാന്‍ ഹോട്ടലുടമ റോയ് ആവശ്യപ്പെട്ടിരുന്നോ എന്ന ചോദ്യത്തിന് കൃത്യമായി മറുപടി പറയാന്‍ സൈജുവിനായില്ല. തുടര്‍ന്നാണ് സൈജുവിന്റെ അറസ്റ്റ് രേഖപ്പെടുത്തുകയായിരുന്നു.