വനിതാ മാധ്യമപ്രവര്‍ത്തകര്‍ക്കെതിരേ മോശം പരാമര്‍ശം; ബിജെപി നേതാവ് എസ് വി ശേഖറിനെ കോടതി ശിക്ഷിച്ചു
തനിക്കെതിരായ ക്രിമിനല്‍ നടപടികള്‍ റദ്ദാക്കണമെന്ന് ആവശ്യപ്പെട്ട് ശേഖര്‍ മദ്രാസ് ഹൈക്കോടതിയെ സമീപിച്ചിരുന്നെങ്കിലും കോടതി ഇളവ് അനുവദിച്ചില്ല. തിരുമലൈ സാ എന്ന ഒരാളില്‍ നിന്ന് ലഭിച്ച സന്ദേശങ്ങള്‍ ഫോര്‍വേഡ് ചെയ്യുക മാത്രമാണ് താന്‍ ചെയ്തതെന്നും അതേ ദിവസം തന്നെ അപകീര്‍ത്തികരമായ പോസ്റ്റ് നീക്കം ചെയ്‌തെന്നും ശേഖര്‍ വാദിച്ചു. എന്നാല്‍, സന്ദേശം ഫോര്‍വേഡ് ചെയ്യുന്ന വ്യക്തി അതിന്റെ ഉള്ളടക്കത്തിനും ബാധ്യസ്ഥനായിരിക്കുമെന്ന് ചൂണ്ടിക്കാട്ടിയ കോടതി, ശേഖര്‍ ഉയര്‍ന്ന രാഷ്ട്രീയക്കാരനും നിരവധി അനുയായികളുമുള്ള ആളായതിനാല്‍ സന്ദേശങ്ങള്‍ ഫോര്‍വേഡ് ചെയ്യുമ്പോള്‍ കൂടുതല്‍ ജാഗ്രത പാലിക്കേണ്ടതുണ്ടെന്നും കൂട്ടിച്ചേര്‍ത്തു. നടപടികളില്‍ ഇടപെടാന്‍ വിസമ്മതിച്ച ഹൈകോടതി, ശേഖര്‍ പോസ്റ്റ് ചെയ്ത സന്ദേശം സ്ത്രീകളുടെ മാന്യതയെ വ്രണപ്പെടുത്തുന്നതും ഒരു പ്രത്യേക സ്ത്രീയെയും വനിതാ മാധ്യമപ്രവര്‍ത്തകര്‍ക്കെതിരേയും അസഭ്യവും ക്രൂരവുമായ ആക്രമണം ഉള്‍ക്കൊള്ളുന്നതാണെന്നും നിരീക്ഷിച്ചു. 2002ലെ തമിഴ്‌നാട് സ്ത്രീപീഡന നിരോധന നിയമത്തിലെ സെക്ഷന്‍ 509 ഐപിസി, സെക്ഷന്‍ 4 എന്നിവ പ്രകാരവും ഇദ്ദേഹത്തിനെതിരേ ചുമത്തിയിരുന്നു.