കോഴിക്കോട്: കാലിക്കറ്റ് പ്രസ് ക്ലബ്ബിന്റെ 2023ലെ മുഷ്ത്താഖ് സ്‌പോര്‍ട്‌സ് ജേണലിസം അവാര്‍ഡിന് 'മാതൃഭൂമി' കണ്ണൂര്‍ റിപോര്‍ട്ടര്‍ ടി സൗമ്യ അര്‍ഹയായി. പ്രമുഖ കളിയെഴുത്തുകാരനായിരുന്ന പി എ മുഹമ്മദ്‌കോയ എന്ന മുഷ്ത്താഖിന്റെ സ്മരണാര്‍ഥം കോഴിക്കോട് ജില്ലാ ഫുട്ബാള്‍ അസോസിയേഷന്റെ സഹകരണത്തോടെ ഏര്‍പ്പെടുത്തിയ അവാര്‍ഡ് 15,000 രൂപയും പ്രശസ്തി പത്രവുമടങ്ങുന്നതാണ്. 2023 ജൂണ്‍ 10 മുതല്‍ 15 വരെ മാതൃഭൂമി ദിനപത്രത്തില്‍ പ്രസിദ്ധീകരിച്ച 'കളിയടങ്ങിയ കളിക്കളങ്ങള്‍' എന്ന ലേഖന പരമ്പര/dക്കാണ് പുരസ്‌കാരം. പ്രമുഖ കളിയെഴുത്തുകാരായ സനില്‍ പി തോമസ്, എ എന്‍ രവീന്ദ്രദാസ്, ടി സോമന്‍ എന്നിവരടങ്ങിയ ജൂറിയാണ് അവാര്‍ഡ് നേടിയ പരമ്പര തfരഞ്ഞെടുത്തതെന്ന് പ്രസ് ക്ലബ്ബ് പ്രസിഡന്റ് എം ഫിറോസ്ഖാനും സെക്രട്ടറി പി എസ് രാകേഷും വാര്‍ത്താകുറിപ്പില്‍ അറിയിച്ചു.