കൊവിഡ്: ബെംഗളൂരുവില്‍ നിന്ന് പ്രത്യേക വിമാനത്തില്‍ 73 യാത്രക്കാര്‍ കരിപ്പൂരിലെത്തി
കരിപ്പൂര്‍: കൊവിഡിന്റെ പശ്ചാത്തലത്തില്‍ ബെംഗളൂരുവില്‍ നിന്ന് 73 യാത്രക്കാരുമായി 6 ഇ 1729 ഇന്‍ഡിഗോ പ്രത്യേക വിമാനം വൈകീട്ട് 4.15 ന് കരിപ്പൂര്‍ വിമാനത്താവളത്തിലെത്തി. ഏഴ് ജില്ലകളില്‍ നിന്നുള്ള 48 പുരുഷന്മാരും 25 സ്ത്രീകളുമാണ് വിമാനത്തിലുണ്ടായിരുന്നത്. തിരിച്ചെത്തിയവരുടെ ജില്ലാ അടിസ്ഥാനത്തിലുള്ള കണക്കുകള്‍: മലപ്പുറം-20, കണ്ണൂര്‍-4, കാസര്‍കോട്-4, കോഴിക്കോട്-39, പാലക്കാട്-4, വയനാട്-1, തൃശൂര്‍-1.
തിരിച്ചെത്തിയവരില്‍ ഒരു മലപ്പുറം സ്വദേശി സ്വന്തം ചെലവില്‍ കഴിയേണ്ട പ്രത്യേക നിരീക്ഷണ കേന്ദ്രത്തിലും പ്രകടമായ ആരോഗ്യ പ്രശ്‌നങ്ങളില്ലാത്ത ശേഷിക്കുന്ന 72 പേര്‍ സ്വന്തം വീടുകളില്‍ ആരോഗ്യ വകുപ്പിന്റെ പ്രത്യേക നിരീക്ഷണത്തിലുമാണ് കഴിയുന്നത്.