കൊവിഡ്: തൊഴിലാളികളെ ബോധവല്‍ക്കരിക്കാന്‍ മലയാളം പതിപ്പുമായി 'അല്‍ ഇത്തിഹാദ്' ദിനപ്പത്രം
അബൂദബി: കൊവിഡ് വ്യാപനത്തിന്റെയും ലോക്ക് ഡൗണിന്റെ പശ്ചാത്തലത്തില്‍ തൊഴിലാളികളെ അവരുടെ താമസസ്ഥലങ്ങളില്‍ ബോധവല്‍ക്കരണം നടത്താനായി മലയാളം പതിപ്പുമായി അറബി പത്രംഅല്‍ ഇത്തിഹാദ് ദിനപ്പത്രമാണ് മലയാളം, ഉര്‍ദു, ഫിലിപ്പിനോ ഭാഷകളില്‍ സപ്ലിമെന്റ് പുറത്തിറക്കിയത്. സാമൂഹിക പദ്ധതിയുടെ ഭാഗമായാണു നടപടി. തൊഴിലാളികളെ സംരക്ഷിക്കാനും അവരുടെ സുരക്ഷയ്ക്കും അവകാശങ്ങള്‍ക്കും പ്രഥമ പരിഗണന നല്‍കാനും രാഷ്ട്രം നടത്തുന്ന ശ്രമങ്ങളും, താമസസ്ഥലങ്ങളും ബസുകളും അണുവിമുക്തമാക്കല്‍, ആവശ്യമായ പരിശോധനകള്‍ നടത്തല്‍ എന്നിവ അടക്കം കൊറോണ വൈറസ് വ്യാപനത്തിനെതിരെ സ്വീകരിക്കേണ്ട മുന്‍കരുതല്‍ നടപടികളെ കുറിച്ച ബോധവല്‍ക്കരണമാണ് സപ്ലിമെന്റില്‍ അടങ്ങിയിരിക്കുന്നത്.
