കണ്ണൂര്‍: മലയോര മേഖലയായ തളിപ്പറമ്പിനു സമീപം ആലക്കോട് തേര്‍ത്തല്ലിയില്‍ കൊവിഡ് ബാധിച്ച് വിദ്യാര്‍ത്ഥി മരിച്ചു. ആലക്കോട് സെന്റ് മേരീസ് ഹയര്‍ സെക്കന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ത്ഥി ചെറുകരകുന്നേല്‍ ജോസന്‍(13) ആണ് മരിച്ചത്. ആലക്കോട് ടൗണിലെ സീതാറാം ആയുര്‍വേദ ഷോപ്പ് ഉടമ ജിമ്മി ജോസിന്റെ മകന്‍ ഈ മാസം ആറിനാണ് ജോനനെ തളിപ്പറമ്പ് ഗവ. ആശുപത്രിയില്‍ പരിശോധന നടത്തിയത്. തുടര്‍ന്ന് 8ന് കൊവിഡ് സ്ഥിരീകരിക്കുകയും ശ്വാസതടസ്സത്തെ തുടര്‍ന്ന് പരിയാരം ഗവ. മെഡിക്കല്‍ കോളജില്‍ ചികില്‍സയിലിരിക്കെ മരണപ്പെടുകയുമായിരുന്നു.