മഞ്ചേരി: വയനാട്ടിലെ ദുരന്തഭൂമിയിലേക്ക് പോവുകയായിരുന്ന ആരോഗ്യമന്ത്രി വീണാ ജോര്‍ജിന്റെ വാഹനം അപകടത്തില്‍പ്പെട്ടു. മലപ്പുറം മഞ്ചേരിയിലാണ് അപകടമുണ്ടായത്. തുടര്‍ന്ന് മന്ത്രിയെ എംസിഎച്ചില്‍ പ്രവേശിപ്പിച്ചു. മഞ്ചേരിയില്‍ മന്ത്രിയുടെ വാഹനം സ്‌കൂട്ടറില്‍ ഇടിക്കുകയായിരുന്നു. മന്ത്രിയുടെ പരിക്ക് സാരമുള്ളതല്ലെന്നാണ് വിവരം. മന്ത്രിമാരായ എ കെ ശശീന്ദ്രന്‍, പി കെ മുഹമ്മദ് റിയാസ്, കെ രാജന്‍, ഒ ആര്‍ കേളു, കടന്നപ്പള്ളി രാമചന്ദ്രന്‍ എന്നിവര്‍ രക്ഷാപ്രവര്‍ത്തനങ്ങള്‍ ഏകോപിപ്പിക്കുന്നുണ്ട്.