'ജയ് ശ്രീരാം' മുഴക്കി ക്രിസ്ത്യന്‍ സ്‌കൂളിന് നേരെ ഹിന്ദുത്വ ആക്രമണം (വീഡിയോ)

ഭോപ്പാല്‍: നിര്‍ബന്ധിത മതപരിവര്‍ത്തനം ആരോപിച്ച് മധ്യപ്രദേശിലെ ക്രൈസ്തവ മാനേജ്‌മെന്റിന് കീഴിലുള്ള സ്‌കൂളിന് നേരെ ഹിന്ദുത്വരുടെ ആക്രണം. മധ്യപ്രദേശിലെ ഗഞ്ച്ബസോഡ ജില്ലയിലെ വിദിഷയിലുള്ള സെന്റ് ജോസഫ് സ്‌കൂളിന് നേരെയാണ് നൂറുകണക്കിന് ഹിന്ദുത്വര്‍ ആക്രമണം അഴിച്ചുവിട്ടത്.

ജയ് ശ്രീരാം, ഭാരത് മാതാകി തുടങ്ങിയ മുദ്രാവാക്യങ്ങള്‍ മുഴക്കി സംഘടിച്ചെത്തിയ ഹിന്ദുത്വര്‍ സ്‌കൂളിന് മുന്നിലെ പൂന്തോട്ടവും ജനല്‍ ചില്ലുകളും അടിച്ചും കല്ലെറിഞ്ഞും തകര്‍ത്തു. സംഭവത്തിന്റെ വീഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.