കൊല്ലം: ആയൂരില്‍ പതിമൂന്നുകാരന്‍ മുങ്ങി മരിച്ചു. റോഡുവിള വിപി ഹൗസില്‍ നവാസിന്റെ മകന്‍ മുഹ്‌സിനാണ് മരിച്ചത്. വൈകിട്ട് നാലുമണിയ്ക്കാണ് സംഭവം. കൂട്ടുകാരുമൊത്ത് ക്രഷറിലെ പാറക്കുളത്തില്‍ കുളിക്കവെയാണ് അപകടം. മുഹ്‌സിന്‍ മുങ്ങിത്താഴ്ന്നതിനെ തുടര്‍ന്ന് കുട്ടുകാര്‍ ബഹളം വെക്കുകയായിരുന്നു. തുടര്‍ന്ന് നാട്ടുകാര്‍ എത്തി പുറത്തെടുത്ത് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കുട്ടികള്‍ കയറി പോകുന്നത് ക്രഷറിലെ ജീവനക്കാര്‍ ആരും കണ്ടിരുന്നില്ല. ചെറിയ വെളിനല്ലൂര്‍ കെപിഎം എച്ച്എസിലെ ഏഴാം ക്ലാസ് വിദ്യാര്‍ഥിയാണ് മുഹ്‌സിന്‍. പരീക്ഷ കഴിഞ്ഞതിലുള്ള ആനന്ദം പങ്കിടാനായിരുന്നു കുട്ടികള്‍ പാറക്കുളത്തില്‍ എത്തിയത്.
