പബ്ജി കളിക്കിടെ കുഴഞ്ഞുവീണ ഭിന്നശേഷിക്കാരന്‍ മരിച്ചു
മധ്യപ്രദേശിലെ ദേവാസ് ജില്ലയിലാണ് സംഭവം. ദീപക് റാത്തോഡ് എന്ന പ്ലസ് വണ്‍ വിദ്യാര്‍ത്ഥിയാണ് മരിച്ചത്.
ഭോപ്പാല്‍: പബ്ജി കളിക്കുന്നതിനിടെ കുഴഞ്ഞുവീണ ഭിന്നശേഷിക്കാരനായ പത്തൊന്‍പതുകാരന്‍ മരിച്ചു. മധ്യപ്രദേശിലെ ദേവാസ് ജില്ലയിലാണ് സംഭവം. ദീപക് റാത്തോഡ് എന്ന പ്ലസ് വണ്‍ വിദ്യാര്‍ത്ഥിയാണ് മരിച്ചത്.
വീട്ടിനുള്ളില്‍ പബ്ജി കളിച്ചിരിക്കവെ ദീപക് കുഴഞ്ഞുവീഴുകയായിരുന്നുവെന്ന് മാതാപിതാക്കള്‍ പറഞ്ഞതായി പോലിസ് വ്യക്തമാക്കി. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
കാലിന് ശേഷിയില്ലാത്ത ദീപക്, പബ്ജി കളിക്കുന്നത് പതിവാക്കിയിരുന്നു. കാര്‍ഡിയാക് അറസ്റ്റ് സംഭവിച്ചതാകാം മരണകാരണമെന്നാണ് പ്രാഥമിക നിഗമനം. സംഭവത്തില്‍ കേസ് രജിസ്റ്റര്‍ ചെയ്ത പോലിസ് അന്വേഷണം ആരംഭിച്ചു.