കോഴിക്കോട്: നാദാപുരത്ത് വയറിങ് ജോലിക്കിടെ ഷോക്കേറ്റ് യുവാവ് മരിച്ചു. പുളിക്കൂല്‍ സ്വദേശി ജാഫര്‍ മരക്കാട്ടേരി(40)യാണ് മരിച്ചത്. കക്കംവെള്ളിയിലെ സ്വകാര്യ കെട്ടിടത്തില്‍ വയറിങ് ജോലിക്കിടെയാണ് സംഭവം. ഷോക്കേറ്റ ജാഫറിനെ നാദാപുരം സര്‍ക്കാര്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. എസ് ഡിപി ഐ കക്കംവെള്ളി ബ്രാഞ്ച് ജോയിന്റ് സെക്രട്ടറിയും സാമൂഹിക പ്രവര്‍ത്തകനുമാണ്. കുമ്മങ്കോട് ശാദുലി റോഡ് കുന്നത്ത് പള്ളിയിലെ മരക്കാട്ടേരി മൂസയാണ് പിതാവ്. മാതാവ്: ഫാത്തിമ. ഭാര്യ: അശ്മില. സഹോദരങ്ങള്‍: അല്‍ഖമത്ത്, അഷ്‌റഫ്, നിസാര്‍, സൗദ, ശരീഫ, ഹുസ്‌ന, ഹഫ്‌സത്ത്.