ആലപ്പുഴ: ഉത്തര്‍പ്രദേശ് സര്‍ക്കാര്‍ അറസ്റ്റ് ചെയ്ത് മഥുര ജയിലില്‍ കഴിയവേ ആരോഗ്യ സ്ഥിതി മോശമായതിനെ തുടര്‍ന്ന് മഥുര മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ച മലയാളി മാധ്യമപ്രവര്‍ത്തകന്‍ സിദ്ദീഖ് കാപ്പന് അടിയന്തരമായി വിദഗ്ധ ചികില്‍സ ലഭ്യമാക്കണമെന്ന് അഡ്വ. എ എം ആരിഫ് എംപി ആവശ്യപ്പെട്ടു. കഴിഞ്ഞ ദിവസം കൊവിഡ് സ്ഥിരീകരിച്ച അദ്ദേഹത്തിന് അടിസ്ഥാന സൗകര്യം പോലും ആശുപത്രിയില്‍ ലഭ്യമല്ല എന്ന കുടുംബത്തിന്റെ പരാതി അത്യന്തം ഗൗരവകരമാണ്. ആയതിനാല്‍ അദ്ദേഹത്തിന് അടിയന്തര ചികില്‍സ ലഭ്യമാക്കാന്‍ ഡല്‍ഹിയിലെ എയിംസിലേക്ക് മാറ്റാനുള്ള സത്വര നടപടികള്‍ സ്വീകരിക്കണമെന്ന് ഉത്തര്‍ പ്രദേശ് മുഖ്യമന്ത്രി, ദേശീയ മനുഷ്യാവകാശ കമ്മീഷന്‍ എന്നിവരോട് എ എം ആരിഫ് എംപി ആവശ്യപ്പെട്ടു.
Siddique Kappan should get specialist treatment: Adv. AM Arif MP