ചാരായം വാറ്റി വില്‍പന; യുവാവിനെ പിടികൂടി

പരപ്പനങ്ങാടി: ചാരായം വാറ്റി വില്‍പന നടത്തുന്ന യുവാവിനെ പോലിസ് പിടികൂടി. ചിറമംഗലം അംബേദ്ക്കര്‍ കോളനി സ്വദേശി പൂച്ചക്കളങ്ങര സുധിയാണ് പിടിയിലായത്. ചിറമംഗലം ഉപ്പിനിപ്പുറത്ത് ചാരായം വാറ്റി വില്‍പന നടത്തുന്നണ്ടന്ന വിവരത്തെ തുടര്‍ന്ന് പരപ്പനങ്ങാടി അഡീഷണല്‍ എസ് ഐ കെപി വിമലയുടെ നേതൃത്വത്തില്‍ നടന്ന റെയ് ഡിലാണ് യുവാവ് പിടിയിലായത്. പോലിസിനെ കണ്ട് കൂടെയുണ്ടായിരുന്ന സഹായി രക്ഷപ്പെട്ടു. ഇയാളുടെ കൈയില്‍ നിന്ന് ചാരായവും, വാറ്റ് ഉപകരണങ്ങളും കണ്ടടുത്തു. പരപ്പനങ്ങാടി കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.