എടിഎം കവര്‍ച്ച : പ്രഫണല്‍ കവര്‍ച്ചാ സംഘമെന്ന് സംശയം, പിക്കപ്പ് വാന്‍ കണ്ടെത്തി
ചാലക്കുടി: ചാലക്കുടി സൗത്ത് ഇന്ത്യന്‍ ബാങ്ക് എടിഎം കവര്‍ച്ച കേസിലെ പ്രതികള്‍ ഉപയോഗിച്ചിരുന്നതെന്ന് കരുതുന്ന പിക്കപ്പ് വാന്‍ ദേശീയപാതയോട് ചേര്‍ന്നുള്ള ചാലക്കുടി ഗവ. ബോയ്‌സ് ഹൈസ്‌ക്കൂള്‍ ഗ്രൗണ്ടില്‍ കണ്ടെത്തി. ഈ പിക്കപ്പ് വാന്‍ കവര്‍ച്ചാസംഘം മോഷ്ടിച്ചതാണെന്നാണ് പോലിസ് നിഗമനം. ഈ പിക്കപ്പ് വാനില്‍ പ്രതികള്‍ സ്ഥലം വിടുന്നത് ബാങ്കിന് മുന്നിലെ നിരീക്ഷണ ക്യാമറയില്‍ തെളിഞ്ഞിട്ടുണ്ട്.
ബാങ്കിന് മുന്നിലെ മറ്റൊരു നിരീക്ഷണ ക്യാമറ കവര്‍ച്ചാ സംഘം സ്‌പ്രേ പെയിന്റടിച്ചിട്ടുണ്ട്. മറ്റൊരു നിരീക്ഷണ ക്യാമറയില്‍ മുഖംമൂടി ധരിച്ച മൂന്ന് പേരുടെ രൂപം പതിഞ്ഞിട്ടുണ്ട്.
