വൈദ്യുതി ചാര്‍ജ് വര്‍ധനവ്: ഹോസ്റ്റല്‍ ഓണേഴ്‌സ് വെല്‍ഫെയര്‍ അസോസിയേഷന്‍ പ്രതിഷേധ മാര്‍ച്ച് നടത്തി
എറണാകുളം കലൂര്‍ സ്‌റ്റേഡിയം കെഎസ് ഇബി ഓഫീസിലേക്ക് നടത്തിയ മാര്‍ച്ചിന്റെയും സംസ്ഥാന തല പ്രതിഷേധത്തിന്റെയും ഉദ്്ഘാടനം അസോസിയേഷന്‍ പ്രസിഡന്റ് ഫൈസല്‍ കോഴിക്കോട് നിര്‍വഹിച്ചു.
കൊച്ചി: അന്യായമായ വൈദ്യുതി ചാര്‍ജ് വര്‍ധനവില്‍ പ്രതിഷേധിച്ച് ഹോസ്റ്റല്‍ ഓണേഴ്‌സ് വെല്‍ഫെയര്‍ അസോസിയേഷന്‍ സംസ്ഥാന കമ്മറ്റിയുടെ നേതൃത്വത്തില്‍ കലൂര്‍ സ്‌റ്റേഡിയം കെഎസ് ഇബി ഓഫീസിലേക്ക് മാര്‍ച്ച് നടത്തി.
പ്രതിഷേധത്തിന്റെ സംസ്ഥാന തല ഉദ്്ഘാടനം എറണാകുളത്ത് അസോസിയേഷന്‍ പ്രസിഡന്റ് ഫൈസല്‍ കോഴിക്കോട് നിര്‍വഹിച്ചു. പാലാരിവട്ടം മുതല്‍ കലൂര്‍ സ്‌റ്റേഡിയം വരെ നടന്ന പ്രകടനത്തില്‍ നൂറുകണക്കിന് ഹോസ്റ്റല്‍ നടത്തിപ്പുകാരും, ജീവനക്കാരും പങ്കെടുത്തു.
സംസ്ഥാന ജനറല്‍ സെക്രെട്ടറി നവാസ് വയല്‍ക്കര, ഖജാന്‍ജി ഷാലി തോമസ് കോട്ടയം, വൈസ് പ്രസിഡന്റ്് സജിജോര്‍ജ് കണ്ണൂര്‍, സുലൈമാന്‍ തൃക്കാക്കര സംസാരിച്ചു.