കണ്ണൂര്‍: പയ്യന്നൂര്‍ പരിയാരം എഴിലോട് ദേശീയ പാതയില്‍ കാറും ലോറിയും തമ്മില്‍ കൂട്ടിയിടിച്ച് മെഡിക്കല്‍ വിദ്യാര്‍ഥി മരിച്ചു. ആറുപേര്‍ക്ക് പരിക്കേറ്റു. മെഡിക്കല്‍ കോളജിലെ വിദ്യാര്‍ഥിയായ തൃക്കരിപ്പുര്‍ പൂച്ചോലില്‍ ഇബ്രാഹിമിന്റെ മകന്‍ അഹമ്മദാണ് (22) മരിച്ചത്. മൃതദേഹം ആശുപത്രിയിലേക്ക് മാറ്റി.
വടകര സ്വദേശി മസ്‌കര്‍, പെരുമ്പ സുഹൈര്‍, മഞ്ചേശ്വരം മുബഷിര്‍, ചെറുപുഴ ആഡ്രിന്‍, അബ്ദുല്‍ ബാസിത്ത്, ഡ്രൈവര്‍ പെരുമ്പയിലെ റമീസ് എന്നിവര്‍ക്കാണ് പരിക്കേറ്റത്. മംഗളൂരു തേജസ്വിനി ആശുപത്രിയില്‍ റേഡിയോളജി വിദ്യാര്‍ഥികളായ ആറുപേരും പാലക്കയംതട്ട് സന്ദര്‍ശിക്കാന്‍ പോവുകയായിരുന്നു. ഞായറാഴ്ച പുലര്‍ച്ചെയായിരുന്നു അപകടം. പരിക്കേറ്റവരെ പരിയാരം ഗവ.മെഡിക്കല്‍ കോളജില്‍ പ്രവേശിപ്പിച്ചു.