കണ്ണൂരില്‍ ഗ്രേഡ് എസ്‌ഐ പോലിസ് ക്വാര്‍ട്ടേഴ്‌സില്‍ തൂങ്ങി മരിച്ച നിലയില്‍
കണ്ണൂര്‍:കണ്ണൂരില്‍ ഗ്രേഡ് എസ്‌ഐ പോലിസ് ക്വാര്‍ട്ടേഴ്‌സില്‍ തൂങ്ങി മരിച്ച നിലയില്‍. തളിപ്പറമ്പില്‍ ഡിവൈഎസ്പി ഓഫിസിലെ ഗ്രേഡ് എസ്‌ഐ കെ വി സജീവനെ (51) പോലിസ് ക്വാര്‍ട്ടേഴ്‌സില്‍ തൂങ്ങിമരിച്ച നിലയില്‍ കണ്ടെത്തിയത്.
ഇന്നലെ ഉച്ചയ്ക്കായിരുന്നു സംഭവം.പോലിസുകാര്‍ വിശ്രമിക്കാറുള്ള മുറിക്കകത്ത് വാതില്‍ അകത്തുനിന്ന് പൂട്ടിയ നിലയിലായിരുന്നു. സഹപ്രവര്‍ത്തകര്‍ വിളിച്ചിട്ടും പ്രതികരിക്കാതിരുന്നകിനാല്‍ വാതില്‍ തകര്‍ത്ത് അകത്ത് കയറിയപ്പോഴാണ് തൂങ്ങിമരിച്ച നിലയില്‍ കണ്ടെത്തിയത്.
സംസ്‌കാരം ഇന്ന് ഉച്ചയ്ക്ക് 12ന് പട്ടപ്പാറ പൊതുശ്മശാനത്തില്‍.ചപ്പാരപ്പടവ് ഗ്രാമപ്പഞ്ചായത്ത് മുന്‍ പ്രസിഡന്റും ശാസ്ത്രസാഹിത്യ പരിഷത്ത് മുന്‍ സംസ്ഥാന സെക്രട്ടറിയുമായിരുന്ന പരേതനായ കെ മാധവന്‍ മാസ്റ്റര്‍ ആണ് അച്ഛന്‍. അമ്മ: കാര്‍ത്യായനി, ഭാര്യ: ബിന്ദു,മക്കള്‍: സാന്ദ്ര, സായന്ത്.