പി ടി റഫീഖ് പുരസ്‌കാരം മാമുക്കോയക്ക്
കഴിഞ്ഞ 50 വര്‍ഷമായി മാമുക്കോയ സിനിമ നാടക രംഗത്തു നല്‍കിയ സംഭാവനകളെ മാനിച്ചാണ് പോള്‍ കല്ലാനോട് ജൂറി ചെയര്‍മാന്‍ ആയ അവാര്‍ഡ് സമിതി മാമൂക്കോയയെ പുരസ്‌കാരത്തിന് തിരഞ്ഞെടുത്തത്.
കോഴിക്കോട്: അന്തരിച്ച പ്രമുഖ നാടക സീരിയല്‍ രചയിതാവും സംവിധായകനുമായിരുന്ന പി ടി റഫീഖിന്റെ ഓര്‍മ്മയില്‍ രൂപീകൃതമായ 'നിലാവ് 'ട്രസ്റ്റിന്റെ ഈ വര്‍ഷത്തെ പുരസ്‌കാരത്തിന് പ്രമുഖ നടന്‍ മാമുക്കോയ അര്‍ഹനായി. കഴിഞ്ഞ 50 വര്‍ഷമായി മാമുക്കോയ സിനിമ നാടക രംഗത്തു നല്‍കിയ സംഭാവനകളെ മാനിച്ചാണ് പോള്‍ കല്ലാനോട് ജൂറി ചെയര്‍മാന്‍ ആയ അവാര്‍ഡ് സമിതി മാമൂക്കോയയെ പുരസ്‌കാരത്തിന് തിരഞ്ഞെടുത്തത്.
2022 ഏപ്രില്‍ 17ന് കോഴിക്കോട് ടൗണ്‍ ഹാളില്‍ നടക്കുന്ന 'ഓര്‍മയില്‍ റഫീഖ്' എന്ന പരിപാടിയില്‍ 10001 (പതിനായിരത്തി ഒന്ന്) രൂപ അവാര്‍ഡ് തുകയും ഫലകവും പ്രശസ്തി പത്രവും സംവിധായകനും കേരള ചലച്ചിത്ര അക്കാദമി ചെയര്‍മാനുമായ രഞ്ജിത്ത് സമ്മനിക്കുമെന്ന് നിലാവ് ട്രസ്റ്റ് സെക്രട്ടറി അന്‍വര്‍ കുനിമല്‍ വ്യക്തമാക്കി.