ലോറിയിടിച്ച് കാല്‍നടയാത്രക്കാരന്‍ മരിച്ചു
കല്ലായി മത്സ്യ മാര്‍ക്കറ്റിന് പിന്‍വശം കെ പി ഹൗസില്‍ സെയ്തലവി(48) ആണ് മരിച്ചത്.
കോഴിക്കോട്: വാഹനമിടിച്ച് കാല്‍നടയാത്രക്കാരന്‍ മരിച്ചു. കല്ലായി മത്സ്യ മാര്‍ക്കറ്റിന് പിന്‍വശം കെ പി ഹൗസില്‍ സെയ്തലവി(48) ആണ് മരിച്ചത്. ഇന്ന് വൈകീട്ട് 6.30ഓടെ ബീച്ചില്‍ സീ ക്വീന്‍ ഹോട്ടലിന് സമീപം മീന്‍ ലോറിയിടിച്ചാണ് അപകടം. ഉടന്‍ തന്നെ ബീച്ച് ആശുപത്രിയിലെത്തിച്ചെങ്കിലും രക്ഷിക്കാനായില്ല.
പരേതനായ കെ പി ബാവയുടെയും കദീജയുടെയും മകനാണ്. ഭാര്യ: മുനീറ. മക്കള്‍ : മുഹമ്മദ് മുന്നാസ്, ഫഹദ്, തന്‍ഹ ഫാത്തിമ. സഹോദരങ്ങള്‍ : മുസ്തഫ, സക്കീന, മുനീറ, ഇസ്മായില്‍, മുജീബ്.