റെയില്‍വേ മതില്‍ നിര്‍മാണം; വട്ടത്താണി റെയില്‍വേ ആക്ഷന്‍ കമ്മിറ്റി മന്ത്രി വി അബ്ദുറഹിമാന് നിവേദനം നല്‍കി
താനൂര്‍: വട്ടത്താണി റെയില്‍വേ ആക്ഷന്‍ കമ്മിറ്റിയുടെ നേതൃത്വത്തില്‍ സംസ്ഥാന റെയില്‍വേ മന്ത്രി വി അബ്ദുറഹിമാനെ സന്ദര്‍ശിച്ച് നിവേദനം നല്‍കി. താനാളൂര്‍ പഞ്ചായത്തിലെ വലിയ ഒരു ജനവിഭാഗത്തിന്റെ സഞ്ചാരസ്വാതന്ത്ര്യം നിഷേധിക്കുന്ന രീതിയില്‍ വലിയ പാടം കമ്പനിപ്പടി റെയില്‍വേ മതില്‍ നിര്‍മാണം തുടരുന്ന സാഹചര്യത്തിലാണ് നിവേദനം നല്‍കിയത്.
ചെയര്‍മാന്‍ പി സതീശന്‍, ഒ സുരേഷ് ബാബു, നാദിര്‍ഷ കടായിയ്ക്കല്‍, റഫീഖ് മീനടത്തൂര്‍ എന്നിവര്‍ ചേര്‍ന്ന് മന്ത്രിക്ക് കൈമാറി. മതില്‍ നിര്‍മാണം സംബന്ധിച്ച് റെയില്‍വേ അധികാരികളെ ബോധ്യപ്പെടുത്തിയിട്ടുണ്ടെന്നും ജനങ്ങളുടെ ബുദ്ധിമുട്ടുകള്‍ പരിഹരിക്കുമെന്നും വട്ടത്താണി മേല്‍പ്പാലം യാഥാര്‍ഥ്യമാക്കുമെന്നും മന്ത്രി ഉറപ്പുനല്‍കി.