അരീക്കോട്. കിഴുപറമ്പ് മുറിഞ്ഞമാടില് റോവേഴ്സ് ആര്ട്സ് ആന്റ് സ്പോര്ട്സ് ക്ലബ് സംഘടിപ്പിച്ച ഒന്നാമത് ജലോല്സവത്തില് മാഞ്ചസ്റ്റര് മേലാപറമ്പ് ജേതാക്കളായി. രണ്ടാം സ്ഥാനം ടൗണ് ടീം വാവൂരും മൂന്നാം സ്ഥാനം വിവൈസി സി വാവൂരും സ്വന്തമാക്കി. ജലോല്സവം ഇ ടി മുഹമ്മദ് ബഷീര് എംപി ഉദ്ഘാടനം ചെയ്തു. റസാഖ് കാരാട്ട് എംഎല്എ അധ്യക്ഷത വഹിച്ചു. കിഴുപറമ്പ് പഞ്ചായത്ത് പ്രസിഡന്റ് കെ വി റൈഹാന ബീബി ഫഌഗ് ഓഫ് ചെയ്തു. വാഴക്കാട് സി ഐ കുഞ്ഞിമൊയ്തീന് കുട്ടി വിജയികള്ക്ക് ട്രോഫി സമ്മാനിച്ചു. റണ്ണേഴ്സ് ട്രോഫി നിലമ്പൂര് ഫയര്ഫോഴ്സ് ഓഫിസര് എം എ അബദുല് ഗഫൂര് കൈമാറി.