പരപ്പനങ്ങാടി: ലോക്ക് ഡൗണിനെ തുടര്‍ന്ന് മദ്യഷാപ്പുകള്‍ അടച്ചതോടെ വ്യാജവാറ്റ് പെരുകുന്നത് തടയാന്‍ പരപ്പനങ്ങാടി എക്‌സൈസ് നടത്തിയ റെയ്ഡില്‍ 40 ലിറ്റര്‍ വാഷ് കണ്ടെത്തി. ചേലേമ്പ്ര പുല്ലുകുന്ന് ഭാഗത്ത് തിങ്കളാഴ്ച വൈകീട്ട് എക്‌സൈസ് റെയ്ഞ്ച് ഇന്‍സ്‌പെക്ടറും സംഘവും നടത്തിയ റെയ്ഡിലാണ് വാഷ് കണ്ടത്തിയത്. പ്രതികളെ കുറിച്ച് സൂചന ലഭിച്ചതായി എക്‌സൈസ് ഇന്‍സ്‌പെക്ടര്‍ അറിയിച്ചു. റെയ് ഡിനു പ്രിവന്റീവ് ഓഫിസര്‍ വി കെ സുരജ്, സിവില്‍ എക്‌സൈസ് ഓഫിസര്‍മാരായ മുരളീധരന്‍, വിനീഷ് പങ്കെടുത്തു.