പത്തനംതിട്ട: മല്ലപ്പള്ളി എഴുമറ്റൂര്‍ കിളിയന്‍കാവില്‍ ജങ്ഷന് സമീപം പൈക്കര പെട്രോള്‍ പമ്പ് പാര്‍ക്കിങ് ഗ്രൗണ്ടില്‍ നിര്‍ത്തിയിട്ടിരുന്ന ടിപ്പര്‍ ലോറി തീപ്പിടിച്ച് നശിച്ചു. വെള്ളിയാഴ്ച രാത്രിയാണ് സംഭവം. പെട്രോള്‍ പമ്പിലേക്ക് തീ പടര്‍ന്നിരുന്നെങ്കില്‍ വന്‍ അഗ്‌നിബാധയ്ക്ക് ഇത് കാരണമാവുമായിരുന്നു. തീപടര്‍ന്നത് ശ്രദ്ധയില്‍പ്പെട്ട ഉടന്‍ മറ്റ് വാഹനങ്ങള്‍ നീക്കിയതിനാല്‍ കൂടുതല്‍ അപകടമൊഴിവായി. റാന്നിയില്‍ നിന്ന് അഗ്‌നിരക്ഷാ സേന എത്തിയാണ് തീയണച്ചത്. ആര്‍ക്കും പരിക്കില്ല.