തിരുവനന്തപുരത്ത് മൊബൈല്‍ ഷോപ്പ് കുത്തിത്തുറന്ന് മോഷണം; മോഷ്ടാവിന്റെ ദൃശ്യങ്ങള്‍ സിസിടിവിയില്‍
തിരുവനന്തപുരം: ബാലരാമപുരം പെരിങ്ങമലയില്‍ മൊബൈല്‍ ഷോപ്പ് കുത്തിത്തുറന്ന് മോഷണം. കടയില്‍ നിന്ന് ഒരുലക്ഷം രൂപയോളം വിലവരുന്ന സാധനങ്ങള്‍ മോഷ്ടിക്കപ്പെട്ടെന്നാണ് പ്രാഥമിക നിഗമനം. പെരിങ്ങമ്മല സ്വദേശി മനീഷിന്റെ ഉടമസ്ഥതയിലുള്ള അനസ് മൊബൈല്‍സ് എന്ന കടയിലാണ് മോഷണം നടന്നത്.
അതേസമയം, കടയില്‍ മോഷണം നടത്തിയ മോഷ്ടാവിന്റേതെന്ന് കരുതുന്ന ദൃശ്യങ്ങള്‍ അടുത്തുള്ള സിസിടിവിയില്‍ പതിഞ്ഞിട്ടുണ്ട്. സംഭവത്തില്‍ ബാലരാമപുരം പോലിസ് കേസെടുത്ത് അന്വേഷണം ആരംഭിച്ചു. അന്വേഷണത്തിന്റെ ഭാഗമായി സിസിടിവി ദൃശ്യങ്ങള്‍ പോലിസ് ശേഖരിച്ചിട്ടുണ്ട്.
ജില്ലയിലെ വിവിധ മൊബൈല്‍ ഷോപ്പുകളില്‍ സമാനമായ നിലയില്‍ മോഷണം നടന്നിട്ടുണ്ട്.