എ പ്ലസ് കുറഞ്ഞു; മകനെ തല്ലിയ പിതാവ് അറസ്റ്റില്‍
നാല് വിഷയത്തില്‍ എ പ്ലസ് ലഭിക്കാതിരുന്നതാണ് പിതാവിനെ പ്രകോപിപ്പിച്ചത്. തിങ്കളാഴ്ച വൈകീട്ട് കിളിമാനൂരിലാണ് സംഭവം.
തിരുവനന്തപുരം: എസ്‌എസ്‌എല്‍സി പരീക്ഷക്ക് എ പ്ലസ് കുറഞ്ഞതിന് മകനെ തല്ലിയ പിതാവ് അറസ്റ്റിൽ. കുട്ടിയുടെ അമ്മ പോലിസില്‍ പരാതി നല്‍കിയതിനെ തുടര്‍ന്ന് പിതാവിനെ അറസ്റ്റ് ചെയ്തത്.
നാല് വിഷയത്തില്‍ എ പ്ലസ് ലഭിക്കാതിരുന്നതാണ് പിതാവിനെ പ്രകോപിപ്പിച്ചത്. തിങ്കളാഴ്ച വൈകീട്ട് കിളിമാനൂരിലാണ് സംഭവം. മകന് എല്ലാ വിഷയത്തിലും എ പ്ലസ് കിട്ടുമെന്ന് പിതാവ് പ്രതീക്ഷിച്ചിരുന്നു. എന്നാല്‍ ഫലം വന്നപ്പോള്‍ നാല് വിഷയത്തിന് കുട്ടിക്ക് എ പ്ലസ് ലഭിച്ചിട്ടില്ല. ഫുള്‍ എ പ്ലസ് കിട്ടാത്തതിന്‍റെ ദേഷ്യത്തില്‍ പിതാവ് മകനെ തല്ലുകയായിരുന്നുവെന്നാണ് പരാതി.