യുവാവിനെ തട്ടിക്കൊണ്ട് പോയി മര്‍ദ്ദിച്ച് പണം കവര്‍ന്ന കേസ് ;ഒളിവിലായിരുന്ന പ്രതി പിടിയില്‍
അസം നാഗോണ്‍ സ്വദേശി മസീബുര്‍ റഹ്മാന്‍ (32) നെയാണ് പെരുമ്പാവൂര്‍ പോലിസ് അറസ്റ്റ് ചെയ്തത്
കൊച്ചി: യുവാവിനെ തട്ടിക്കൊണ്ട് പോയി മര്‍ദ്ദിച്ച് പണം കവര്‍ന്ന കേസില്‍ ഒരാള്‍ കൂടി പിടിയില്‍. അസം നാഗോണ്‍ സ്വദേശി മസീബുര്‍ റഹ്മാന്‍ (32) നെയാണ് പെരുമ്പാവൂര്‍ പോലിസ് അറസ്റ്റ് ചെയ്തത്. 2021 ഡിസംബര്‍ മാസത്തിലണ് സംഭവം.
പെരുമ്പാവൂര്‍ ടൗണില്‍ നിന്ന് രാത്രി മൂന്ന് പേര്‍ ചേര്‍ന്ന് അസം സ്വദേശിയായ ബാബുല്‍ ഇസ്ലാമിനെ കാറില്‍ ബലമായി കയറ്റി കൊണ്ട് പോയി ദേഹോപദ്രവം ഏല്‍പിച്ച് 50,000 രൂപ തട്ടുകയായിരുന്നു. സംഭവത്തില്‍ രണ്ട് പേരെ നേരത്തെ അറസ്റ്റ് ചെയ്തിരുന്നു. ഒളിവിലായിരുന്ന പ്രതിയെ നെടുമ്പാശേരിയില്‍ നിന്നാണ് പിടികൂടിയത്.
അന്വേഷണ സംഘത്തില്‍ ഇന്‍സ്‌പെക്ടര്‍ ആര്‍ രഞ്ജിത്ത്, എസ് ഐ മാരായ റിന്‍സ് എം തോമസ്, ജോസി എം ജോണ്‍സണ്‍, എസ് സി പി ഒ വി എം ജമാല്‍, അബ്ദുള്‍ മനാഫ്,കെ എ അഭിലാഷ് എന്നിവരാണ് ഉണ്ടായിരുന്നത്.