ജാമ്യത്തിലിറങ്ങി വീടുകളില്‍ മോഷണം നടത്തിയ യുവാവ് പിടിയില്‍
പേരൂര്‍ക്കട കുടപ്പനക്കുന്ന ദയാനഗറില്‍ ജിഷ്ണു ജോയി(24)യാണ് പിടിയിലായത്.
തിരുവനന്തപുരം: ബൈക്ക് മോഷണം നടത്തി ജയിലിലായതിനുശേഷം ജാമ്യത്തിലിറങ്ങി വീണ്ടും വീടുകളില്‍ മോഷണം നടത്തിയ യുവാവ് പിടിയില്‍. പേരൂര്‍ക്കട കുടപ്പനക്കുന്ന ദയാനഗറില്‍ ജിഷ്ണു ജോയി(24)യാണ് പിടിയിലായത്. ഷാഡോ പോലിസിന്റെ സഹായത്തോടെ പേരൂര്‍ക്കട പോലിസാണ് ഇയാളെ അറസ്റ്റ് ചെയതത്. മൂന്ന് ബുള്ളറ്റുകള്‍ മോഷ്ടിച്ചതിന് ഒരുമാസം ജയിയില്‍ കിടന്നശേഷം ജാമ്യത്തിലിറങ്ങിയാണ് മോഷണത്തിനിറങ്ങിയത്. പേരൂര്‍ക്കട, കന്റോണ്‍മെന്റ് സ്‌റ്റേഷനുകളില്‍ ഇയാള്‍ക്കെതിരെ മോഷണ കേസ് നിലവിലുണ്ട്. കഴിഞ്ഞ ജനുവരി 14ന് പേരൂര്‍ക്കട കൃഷ്ണ നഗറില്‍ വിനോദ്കുമാറിന്റെ വീടിനുള്ളില്‍ കതക് പൊളിച്ചു കയറി കംപ്യൂട്ടറും മൊബൈല്‍ ഫോണുമാണ് കവര്‍ന്നത്. മോഷണമുതല്‍ കണ്ടെത്തിയതായും സമാനമോഷണങ്ങള്‍ നടത്തിയിട്ടുണ്ടോയെന്ന് പരിശോധിക്കുന്നതായും പോലിസ് അറിയിച്ചു.