ദുബയ്: വെസ്റ്റ് ഇന്‍ഡീസിനെതിരായ ടെസ്റ്റ് പരമ്പര സ്വന്തമാക്കിയതിന് പിന്നാലെ ഐസിസിയുടെ ടെസ്റ്റ് റാങ്കിങില്‍ മികച്ച നേട്ടമുണ്ടാക്കി ഇന്ത്യന്‍ താരങ്ങള്‍. പ്രധാനമായും ഉമേഷ് യാദവ്, അജിന്‍ക്യ രഹാനെ, റിഷഭ് പന്ത്, പൃഥ്വി ഷാ എന്നിവര്‍ക്കാണ് വിന്‍ഡീസിനെതിരായ മല്‍സരം ഗുണം ചെയ്തത്. രണ്ടാം ടെസ്റ്റില്‍ ആകെ 10 വിക്കറ്റുകള്‍ വീഴ്ത്തി കളിയിലെ താരമായ പേസര്‍ ഉമേഷ് യാദവ് ബൗളര്‍മാരുടെ റാങ്കിങില്‍ നാല് സ്ഥാനങ്ങള്‍ മെച്ചപ്പെടുത്തി 25 ലെത്തി. അതേസമയം, ബാറ്റിങില്‍ ഉപനായകന്‍ അജിന്‍ക്യ രഹാനെ നാല് സ്ഥാനങ്ങള്‍ മെച്ചപ്പെടുത്തി ആദ്യ 20ല്‍ എത്തി.
അതേസമയം, ഹൈദരാബാദ് ടെസ്റ്റില്‍ അഞ്ച് ഇന്ത്യന്‍ വിക്കറ്റുകള്‍ വീഴ്ത്തിയ വിന്‍ഡീസ് നായകന്‍ ജേസണ്‍ ഹോള്‍ഡര്‍ തന്റെ കരിയറിലെ ഏറ്റവും മികച്ച റാങ്കിങിലെത്തി. നാല് സ്ഥാനങ്ങള്‍ മുന്നോട്ട് കയറിയ ഹോള്‍ഡര്‍ ഒമ്പതാം റാങ്കിലുണ്ട്.