സഞ്ചാരമാര്‍ഗം അടഞ്ഞ് കട്ടിപ്പാറ; ഉരുള്‍പൊട്ടലുണ്ടായി മൂന്ന് മാസം കഴിഞ്ഞിട്ടും പുനരധിവാസ പ്രവര്‍ത്തനങ്ങളില്ല
കോഴിക്കോട്: ഉരുള്‍പൊട്ടലില്‍ വീടുകളും കൃഷിയിടങ്ങളുമെല്ലാം തകര്‍ത്തെത്തിയ ഭീമന്‍ പാറക്കൂട്ടങ്ങള്‍ ഒരു നാടിന്റെ യാത്രമാര്‍ഗങ്ങളെല്ലാം അടച്ചിരിക്കുകയാണ്. കട്ടിപ്പാറ കരിഞ്ചോലമലയിലെ ജനങ്ങളാണ് ജീവിത മര്‍ഗങ്ങളെല്ലാം അടഞ്ഞ് സര്‍ക്കാരിന്റെ സഹായത്തിനായി കാത്തിരിക്കുന്നത്. ഉരുള്‍പൊട്ടലുണ്ടായി മൂന്ന് മാസം കഴിഞ്ഞിട്ടും ഇവിടെ പുനരധിവാസ പ്രവര്‍ത്തനങ്ങള്‍ തുടങ്ങിയില്ല. ഉരുള്‍പൊട്ടലിന് ശേഷം പ്രളയവും വന്നതോടെ കട്ടിപ്പാറ നിവാസികളുടെ ജീവിതം കൂടുതല്‍ ദുസ്സഹമായി. കട്ടിപ്പാറയിലെ ദുരിതാശ്വാസ പ്രവര്‍ത്തനങ്ങളെല്ലാം ഇതോടെ നിലച്ച മട്ടാണ്.
ജൂണ്‍ രണ്ടാംവാരത്തിലാണ് കട്ടിപ്പാറയില്‍ ഉരുള്‍പ്പൊട്ടി ദുരന്തം വിതച്ചത്. ഉരുള്‍പൊട്ടലില്‍ 12 പേര്‍ മരിച്ചിരുന്നു.