യുഎഇ സുവര്‍ണ ജൂബിലി: വ്യക്തിമുദ്രപതിപ്പിച്ചവര്‍ക്ക് ആദരമര്‍പ്പിച്ച് കേരള പ്രവാസി ഫോറം
റാസല്‍ഖൈമ: യുഎഇ സുവര്‍ണ ജൂബിലി ആഘോഷത്തോടനുബന്ധിച്ച് വ്യത്യസ്ത മേഖലകളില്‍ വ്യക്തിമുദ്രപതിപ്പിച്ചവര്‍ക്ക് ആദരമര്‍പ്പിച്ച് റാക് കേരള പ്രവാസി ഫോറം (കെപിഎഫ്). റാക് എക്കണോമിക് ഡെവലപ്പ്‌മെന്റ് അതോറിറ്റി (റാക് ഡിഇഡി) ചെയര്‍മാന്‍ ശൈഖ്അഹമ്മദ് ബിന്‍ ഖായ്ദ് ആല്‍ ഖാസിമി ഉദ്ഘാടനം ചെയ്തു. അനൂപ് എളമന അധ്യക്ഷത വഹിച്ചു. ഈറ്റ് ആന്റ് ഡ്രിങ്ക് ഹാളില്‍ നടന്ന ചടങ്ങില്‍ ഡോ. അരവിന്ദാക്ഷന്‍, പ്രസന്ന ഭാസ്‌കര്‍ (പ്രിന്‍സിപ്പല്‍, ഐഡിയല്‍ സ്‌കൂള്‍), ബീന റാണി (പ്രിന്‍സിപ്പല്‍, ന്യൂ ഇന്ത്യന്‍), ഹസന്‍ ഹാജി (ചെയര്‍മാന്‍, കേരള ഹൈപ്പര്‍.), എ കെ. സേതുനാഥ് (സാമൂഹിക പ്രവര്‍ത്തകന്‍), എം ബി. അനീസുദ്ദീന്‍ (ഗള്‍ഫ് മാധ്യമം), ആയിഷ ഖാന്‍ (ഫുഡ് എ ടി എം) എന്നിവര്‍ക്ക് ശൈഖ്അഹമ്മദ് ബിന്‍ ഖായ്ദ് ആല്‍ ഖാസിമി പ്രശസ്തി ഫലകം സമ്മാനിച്ചു. ചിത്രരചനയില്‍ സമ്മാനാര്‍ഹരായ വിദ്യാര്‍ഥികളായ മുഹമ്മദ് റബീഹ്, റസ്ലിന്‍ നഫ്‌സല്‍, ഷിയ സജീബ്, മുഹമ്മദ് നജ, അലീസ മറിയം, സഫ്വ സാദിഖ്, ഇഹാന്‍ നവാഫ് എന്നിവര്‍ക്കുള്ള സമ്മാനങ്ങളും വിതരണം ചെയ്തു. കെ.പി.എഫ് ഭാരവാഹികളായ അബ്ദുല്‍ ജബ്ബാര്‍, റാജിസ്, നൗഫല്‍ എന്നിവര്‍ നേതൃത്വം നല്‍കി. ആലിയ മെഹ്ജബിന്‍, അലീസ മറിയം, സഫ സാദിഖ് എന്നിവര്‍ യു.എ.ഇ ഇന്ത്യന്‍ ദേശീയ ഗാനാലപനം നടത്തി. സെക്രട്ടറി അലി നന്ദി പറഞ്ഞു.