ഇന്‍ഡോര്‍: ഇന്‍ഡോറില്‍ പുതുതായി 139 പേര്‍ക്ക് കൊവിഡ് സ്ഥിരീകരിച്ചു. ഇതോടെ ജില്ലയിലെ കൊവിഡ് ബാധിതരുടെ എണ്ണം 5,632 ആയതായി ചീഫ് മെഡിക്കല്‍ ഓഫിസര്‍ പുറത്തിറക്കിയ മെഡിക്കല്‍ ബുള്ളറ്റിനില്‍ റിപോര്‍ട്ട് ചെയ്തു.
ബുള്ളറ്റിന്‍ നല്‍കുന്ന കണക്കനുസരിച്ച് കഴിഞ്ഞ ദിവസം 13 പേരുടെ രോഗം ഭേദമായി ആശുപത്രി വിട്ടു. ജില്ലയില്‍ ഇതുവരെ 4,087 പേരുടെ രോഗം ഭേദമായിട്ടുണ്ട്. നിലവില്‍ 1,265 സജീവ കേസുകളാണ് ഉള്ളത്.
കഴിഞ്ഞ ദിവസം 2 മരണമാണ് ഇവിടെ നിന്ന് റിപോര്‍ട്ട് ചെയ്തിട്ടുളളത്. ജില്ലയില്‍ മാത്രം ഇതുവരെ 280 പേര്‍ക്ക് ജീവഹാനിയുണ്ടായിട്ടുണ്ട്. മധ്യപ്രദേശില്‍ മാത്രമല്ല, രാജ്യത്തു തന്നെ ഏറ്റവും ഗുരുതരമായി രോഗബാധയുണ്ടായ ജില്ലകളിലൊന്നാണ് ഇന്‍ഡോര്‍.