കണ്ണൂര്‍ ജില്ലയില്‍ 1939 പേര്‍ക്ക് കൂടി കൊവിഡ് ; 1908 പേര്‍ക്ക് സമ്പര്‍ക്കത്തിലൂടെ
ടെസ്റ്റ് പോസിറ്റിവിറ്റി നിരക്ക് 18.83%.
കണ്ണൂര്‍: ജില്ലയില്‍ ഇന്ന് 1939 പേര്‍ക്ക് കൊവിഡ് പോസിറ്റീവായി. സമ്പര്‍ക്കത്തിലൂടെ 1908 പേര്‍ക്കും ഇതര സംസ്ഥാനത്ത് നിന്നെത്തിയ ഏഴ് പേര്‍ക്കും 24 ആരോഗ്യപ്രവര്‍ത്തകര്‍ക്കുമാണ് കൊവിഡ് സ്ഥിരീകരിച്ചത്. ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 218408 ആയി. ടെസ്റ്റ് പോസിറ്റിവിറ്റി നിരക്ക് 18.83%.
ഇന്ന് 1298 പേര്‍ രോഗമുക്തി നേടി. ഇതുവരെ രോഗം ഭേദമായവരുടെ എണ്ണം 207314 ആയി. 1295 പേര്‍ കൊവിഡ് മൂലം മരണപ്പെട്ടു. ബാക്കി 7212 പേര്‍ ചികിത്സയിലാണ്. ജില്ലയില്‍ നിലവിലുള്ള കൊവിഡ് പോസിറ്റീവ് കേസുകളില്‍ പേര്‍ 6234 വീടുകളിലും ബാക്കി 978 പേര്‍ വിവിധ ആശുപത്രികളിലും സിഎഫ്എല്‍ടിസികളിലുമായാണ് ചികിത്സയില്‍ കഴിയുന്നത്.
കൊവിഡുമായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 32024 പേരാണ്. ഇതില്‍ 31092 പേര്‍ വീടുകളിലും 932 പേര്‍ ആശുപത്രികളിലുമാണ് നിരീക്ഷണത്തില്‍ കഴിയുന്നത്. ജില്ലയില്‍ നിന്ന് ഇതുവരെ 1718604 സാംപിളുകള്‍ പരിശോധനയ്ക്ക് അയച്ചതില്‍ 1717903 എണ്ണത്തിന്റെ ഫലം വന്നു. 701 എണ്ണത്തിന്റെ ഫലം ലഭിക്കാനുണ്ട്.