ഇംഫാല്‍: കഴിഞ്ഞ 24 മണിക്കൂറിനുളളില്‍ മണിപ്പൂരില്‍ 49 പേര്‍ക്ക് കൊവിഡ് സ്ഥിരീകരിച്ചു. 49 രോഗികളില്‍ 9 പേര്‍ കേന്ദ്ര സേനയിലെ അംഗങ്ങളാണ്.
''കഴിഞ്ഞ 24 മണിക്കൂറിനുള്ളില്‍ 25 പുരുഷന്മാരും 15 സ്ത്രീകളും അടക്കം 40 പേര്‍ക്ക് കൊവിഡ് സ്ഥിരീകരിച്ചു. ഇതിനും പുറമെ 9 കേന്ദ്ര സേനയിലെ അംഗങ്ങള്‍ക്കും കൊവിഡ് സ്ഥിരീകരിച്ചിട്ടുണ്ട്''- മണിപ്പൂര്‍ സര്‍ക്കാര്‍ പുറത്തുവിട്ട വാര്‍ത്താ കുറിപ്പില്‍ പറയുന്നു.
മണിപ്പൂരില്‍ ഇതുവരെ 4,925 പേര്‍ക്കാണ് കൊവിഡ് സ്ഥിരീകരിച്ചിട്ടുള്ളത്. അതില്‍ 1,905 പേര്‍ ഇപ്പോഴും ആശുപത്രിയില്‍ തുടരുന്നു. 3002 പേര്‍ രോഗമുക്തരായി. 18 പേരുടെ രോഗം ഭേദമായി.