2024 ല്‍ ഒഡീഷയില്‍ ബലാല്‍സംഗ കേസുകളില്‍ 8% വര്‍ധന, കൊലപാതക കേസുകള്‍ 7% കുറഞ്ഞു: ധവളപത്രം
ഭുവനേശ്വര്‍: 2024 ല്‍ ഒഡീഷയില്‍ മുന്‍ വര്‍ഷത്തെ അപേക്ഷിച്ച് ബലാല്‍സംഗ കേസുകള്‍ വര്‍ധിച്ചതായും കൊലപാതക കേസുകള്‍ കുറഞ്ഞതായും ആഭ്യന്തര വകുപ്പ് പ്രസിദ്ധീകരിച്ച ധവളപത്രം. 2024 ല്‍ ഒഡീഷയില്‍ ബലാല്‍സംഗ കേസുകള്‍ 8% വര്‍ദ്ധിച്ചു, കൊലപാതക കേസുകള്‍ 7% കുറഞ്ഞുവെന്നാണ് കണക്ക്. ബുധനാഴ്ച ആഭ്യന്തര വകുപ്പിന്റെ ബജറ്റ് ചര്‍ച്ചയ്ക്ക് മുന്നോടിയായി നിയമസഭാംഗങ്ങള്‍ക്കിടയില്‍ ധവളപത്രം വിതരണം ചെയ്തു.
2024 ല്‍ ഒഡീഷയില്‍ 3,054 ബലാല്‍സംഗ കേസുകളും 1,258 കൊലപാതക കേസുകളും റിപോര്‍ട്ട് ചെയ്യപ്പെട്ടിട്ടുണ്ടെന്നും 2023 ല്‍ ഒഡീഷയിലെ വിവിധ പോലിസ് സ്റ്റേഷനുകളിലായി 2,826 ബലാല്‍സംഗ കേസുകളും 1,362 കൊലപാതക കേസുകളും രജിസ്റ്റര്‍ ചെയ്തിട്ടുണ്ടെന്നും ധവളപത്രം പറയുന്നു.
2024ല്‍ 1,258 കൊലപാതകം, 356 കവര്‍ച്ച, 2,582 കവര്‍ച്ച, 6,408 കവര്‍ച്ച, 17,805 മോഷണം, 6,307 വഞ്ചന, 1,471 കലാപം, 3,054 ബലാല്‍സംഗം, 12,375 മോട്ടോര്‍ വാഹന അപകടങ്ങള്‍, 1,62,497 മറ്റ് പലവക കേസുകള്‍ എന്നിവയുള്‍പ്പെടെ ആകെ 2,14,113 കേസുകളാണ് റിപോര്‍ട്ട് ചെയ്യപ്പെട്ടത്.
അന്വേഷണത്തില്‍, 2,07,204 കേസുകള്‍ സത്യമാണെന്ന് പോലിസ് കണ്ടെത്തി. ഇതില്‍ 1,39,001 കേസുകളിലാണ് കുറ്റപത്രം സമര്‍പ്പിച്ചത്. രജിസ്റ്റര്‍ ചെയ്ത 3,054 ബലാല്‍സംഗ കേസുകളില്‍ 1,948 കേസുകളില്‍ കുറ്റപത്രം സമര്‍പ്പിച്ചതായും റിപോര്‍ട്ടില്‍ ചൂണ്ടിക്കാട്ടി.
