'കെപിസിസി പ്രസിഡന്റ് പറയാന്‍ പാടില്ലാത്തത് പറഞ്ഞു, അതിന് മറുപടിയും നല്‍കി, അവിടെ അവസാനിച്ചു'- എ വിജയരാഘവന്‍
ഇന്ധനവില വര്‍ധനവിനെതിരേ ഈ മാസം 30ന് തദ്ദേശ വാര്‍ഡുകള്‍ കേന്ദ്രീകരിച്ച് എല്‍ഡിഎഫ് പ്രതിഷേധം
തിരുവനന്തപുരം: കെപിസിസി പ്രസിഡന്റ് കെ സുധാകരന്‍ പറയാന്‍ പാടില്ലാത്തത് പറഞ്ഞു, അതിന് തങ്ങള്‍ മറുപടിയും പറഞ്ഞെന്ന് എല്‍ഡിഎഫ് കണ്‍വീനര്‍ എ വിജയരാഘവന്‍. അതോടെ ആ വിഷയം അവിടെ അവസാനിച്ചു. എല്ലാദിവസവും കെപിസിസി പ്രസിഡന്റിന് മറുപടി പറയേണ്ടതില്ലന്നും മാധ്യമപ്രവര്‍ത്തകരുടെ ചോദ്യത്തിന് മറുപടിയായി പറഞ്ഞു.
ഇന്ധനവില വര്‍ധനവിനെതിരേ ഈ മാസം 30ന് തദ്ദേശ വാര്‍ഡുകള്‍ കേന്ദ്രീകരിച്ച് ജനകീയ പ്രതിഷേധം സംഘടിപ്പിക്കും.
മരം മുറി ഉത്തരവ് ദുരുപയോഗം ചെയ്തു. സര്‍ക്കാര്‍ കര്‍ശന നടപടി സ്വീകരിക്കുമെന്നും എല്‍ഡിഎഫ് യോഗ ശേഷം മാധ്യമങ്ങളോട് പറഞ്ഞു.