പെരിന്തല്‍മണ്ണ: അമിതഭാരം കയറ്റിയ ചരക്കുലോറികള്‍ക്ക് എതിരെ പരിശോധന ശക്തമാക്കി. രാത്രികാലങ്ങളില്‍ അമിതഭാരം കയറ്റിയും, വേണ്ടത്ര റിഫ്‌ലക്ടറൂം, ലൈറ്റുകളും, ഇല്ലാതെയും സഞ്ചരിച്ച ലോറികള്‍ക്ക് എതിരെ നടപടിയെടുത്തു. മോട്ടോര്‍ വാഹന വകുപ്പിന്റെ എന്‍ഫോഴ്‌സ്‌മെന്റ് വിഭാഗം മോട്ടോര്‍ വെഹിക്കിള്‍ ഇന്‍സ്‌പെക്ടര്‍ ശരത് സേനന്‍, അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ മനോഹരന്‍, അജീഷ് എന്നിവരാണ് സംഘത്തിലുണ്ടായിരുന്നത്. വരും ദിവസങ്ങളിലും രാത്രികാല പരിശോധന കര്‍ശനമാക്കുമെന്ന് പെരിന്തല്‍മണ്ണ ജോയിന്റ് ആര്‍ടിഒ സി യു മുജീബ് അറിയിച്ചു.
